سويسرول رووووووعة

ازيكم ياحبايبى انا النهارده جايبالكم طريقه السويسرول من حوريه المطبخ اللى بتيجى على فتافيت ليه بقى لانى كان نفسى اعرفها من زمان ودايما كنت بحس انها ملعبكه وصعبه بس واله الطريقه دى سهله جدا ورائعاه وتحدى مش هتصدقى النتيجه
المقادير بقى 4 بيضات وكوب سكر وكيس فانيليا وكوب وربع دقيق لو هتعمليها بيضه ولو بالكاكاو هتشيلى ربع كوبايه الدقيق وتحطى مكانها كاكاو بس كده
الطريقه بقى هتضربى البيض مع كيس الفانيليا ضرب بلا رحمه ولا هواده لحد ماتبقى زى الكريمه بالظبط يعنى مش اقل من 10 دقايق تفضلى تضربى فيها وبعدين تنزلى بكوبايه السكر شويه شويه لحد ماتختلط وبعدين الدقيق طبعا منخول وتنزلى بيه وتكونى مسخنه الفرن قبلها وبعدين تجيبى صينيه تدهنيها زيت وتحطى ورق الزبده وبرضه تدهنيه زيت وتنزلى بالخليط عليها وتدخليها الفرن ولما تطلع من الفرن تقلبيها وتحشيها مربى او كريمه وتافيها بهدوء بدون ضغط وتحطيها فى كيس نضيف وعلى الفريزر حوالى ساعتين والله احلى سويسرول فى الدنيا وخفيف وهش ورائع طبعا وطبعا ممكن تحطى على الوش جوز الهند او كريمه او اى حاجه تحبيها والله انا لو بعرف انزل الصور كنت وريتلكوا جمالها
عاوزه اقولكوا بنت خالتى كانت اشهر واحده بتعملها بس من ساعه ماداقوها منى وهما بيحلفوا بيها واله كل اللى داقها انبهر بيها ماتنسوس تجربوها وكمان التقييم ياقمرات